Рәсәйҙә балалы ғаиләләргә 17 мең һумға тиклем түләүҙәр тураһында белдерҙеләр

2025 йылда мәктәп йәшендәге балалары булған рәсәйҙәр дәүләттән яңы аҡсалата ярҙам ала ала. Түләү күләме йәшәү төбәгенә бәйле.

Һүҙ мәктәп формаһын һатып алыуға сығымдарҙы ҡаплау тураһында бара. Дәүләт думаһының ғаиләне яҡлау буйынса комитеты ағзаһы Василина Кулиева һөйләүенсә, был сара күп балалы һәм аҙ тәьмин ителгән ғаиләләргә ярҙам итеүгә йүнәлтелгән һәм мәктәптә уҡыған балаларға ҡағыла.

Түләүҙең аныҡ суммаһы, шулай уҡ уға хоҡуҡлы граждандар категорияһы төбәк властары кимәлендә билдәләнә. Компенсацияға ғаризаны "Дәүләт хеҙмәттәре"порталы аша бирергә мөмкин. Бынан һуң ул күп функциялы үҙәктәргә, социаль яҡлау органдарына, ә ҡайһы бер осраҡтарҙа урындағы хакимиәттәргә йәки хатта мәктәптәргә ҡарауға ебәрелә.

Мәҫәлән, Мәскәүҙә 2025 йылда компенсация бер балаға 13 987 һум тәшкил итә, Санкт-Петербургта – 10 000 һум, Төмән өлкәһендә – 17 201 һум, тип яҙа "РИА Новости"

Ата-әсәләргә үҙ төбәгендә түләү алыу шарттарын алдан асыҡларға кәңәш ителә.