Ни өсөн мәктәп ашханаһында туҡланыу уҡыусылар өсөн мөһим?

Мәктәптә туҡланыу  төп проблемаларҙың береһе булып ҡала, сөнки ул бөтә милләт сәләмәтлегенә ҡағыла. Был тема Республика Башлығы менән тура бәйләнештә күтәрелде. Радий Хәбиров билдәләүенсә, мәктәптәрҙә туҡланыуҙы ойоштороу мәсьәләһе уның вазифаһында осраған тәүгеләренең береһе булды.

Үткән йылдарҙа тотороҡло система булдырыла, был ялыуҙар һанының кәмеүенә килтерә. Әммә артабанғы камиллашыу өсөн яңы идеялар һәм стандарттар индерергә, шулай уҡ менюны уҡыусыларҙың шәхси ихтыяждарына яраҡлаштырырға кәрәк.

Төбәк Башлығы  менән  тура бәйләнеш барышында табип, билдәле табип һәм блогер, «Регина Доктор» клиникаһына нигеҙ һалыусы Регина Доктор балаларҙың һимереү проблемаһын күтәрә. Ул күп ата-әсәләрҙең балалары өсөн дөрөҫ туҡланыу рационын төҙөүҙә ҡыйынлыҡтар кисергәнен билдәләне һәм балалар туҡланыуына арналған хәйриә проекты хаҡында һөйләне. Был проект ата-әсәләргә, уҡытыусыларға, тәрбиәселәргә һәм үҫмерҙәргә йүнәлтелгән. Ул әҙер рациондар һәм менюлар, шулай уҡ өҫтәмә аҙыҡ, табиптарҙың тәҡдимдәре һәм консультациялар тәҡдим итә — былар барыһы ла бушлай бирелә. Белгестәр проектты республикала йәшәүселәрҙең барыһына ла нисек арзаныраҡ итергә мөмкин икәнлеге менән ҡыҙыҡһынды.

Радий Фәрит улы төбәктең мәғариф министрлығына ошо мәсьәлә менән шөғөлләнергә ҡушты. Шул уҡ ваҡытта ул проекттың Роспотребнадзор һәм Башҡортостан Һаулыҡ Һаҡлау министрлығының эксперт баһаһын үтергә тейешлеген һыҙыҡ өҫтөнә алды.

Мәктәп ашханаһы – ул уҡыусыларҙың төп туҡланыуын көн дауамында алған урын. Мәктәптә туҡланыу һәр уҡыусы өсөн мөһим генә түгел, файҙалы ла.

 9 декабрҙә райондың ата-әсәләр комитеты рәйесе Нургөл Йәркәева, Ф.Солтанов исемендәге мәктәптең ата-әсәләр комитеты  рәйесе Гөлсәсәк Килдейәрова һәм "Ейәнсура тандары” гәзитенең бүлек мөдире Айгөл Ҡылысбаева,   Ф.Солтанов исемендәге мәктәп ашханаһында уҡыусыларҙы туҡландырыуҙы дөрөҫ ойоштороу мәсьәләләре буйынса ата-әсәләр контролен үткәрҙе.

Мәктәп ашханаһына йөрөүҙең иң мөһим сәбәптәренең береһе – баланслы туҡланыу мөмкинлеге. Уҡыусыға йәшелсә, емеш-еләк, аҡһым, углевод һәм башҡа кәрәкле туҡлыҡлы матдәләрҙән торған төрлө ризыҡтар тәҡдим ителә. Был уларға нормаль үҫеш өсөн бөтә кәрәкле витаминдар һәм минералдар алырға мөмкинлек бирә.

Тикшереү барышында иҫкәрмәләр булманы, уҡыусылар технологик карта нормаларына ярашлы аҙыҡ ҡабул итә, аш-һыу әҙерләү меню буйынса башҡарыла. Аш-һыу йылы, тәмле витаминлы эсемлек, яңы икмәк, йомшаҡ май, һутлы алма,  аштың ауырлығы нормаларға тап килә.

Бынан тыш, мәктәп ашханалары уҡыусыларҙы хәүефһеҙ һәм гигиена шарттары менән тәьмин итә. Мәктәп ашханаһында туҡланыуҙың тағы бер өҫтөнлөгө – аҙыҡ-түлектең сифатын һәм хәүефһеҙлеген контролдә тотоу. Ашханала таҙа, ашнаҡсылар һәм аш-һыу бүлмәһе хеҙмәткәрҙәре махсус кейемдә (алъяпҡыс, халат, бирсәткә һәм башлыҡ кейгән). Аҙыҡ-түлек учреждениелары ҡәтғи санитар һәм гигиена нормалары үтәлә.

– Беҙ сирек һайын барып, балаларыбыҙҙың ашауҙарын тикшерергә ваҡыт табабыҙ. Бөгөн ҡапыл ғына барып сыҡһаҡ та, ашханала бар нимә тәртиптә ине. Комитет ағзалары ғына түгел, һәр теләгән ата-әсә беҙҙең мәктәпкә килеп балаһының нисек ашауын тикшерә ала, – ти Гөлсәсәк Әхмәт ҡыҙы.

– Ике балам уҡый был мәктәптә. Ҡыҙым төштән һуң оҙайтылған көн төркөмөнә йөрөй. Шулай булғас, көнө буйы мәктәптә туҡлана тигән һүҙ. Ҡыҙым өсөн күңелем тыныс. Балаларыма мәктәп ризығы оҡшай, яратып ашайҙар, – ти Нургөл Урал ҡыҙы ла.

Уҡыусыларға был мөмкинлектән файҙаланып, тулы туҡланыу өсөн мәктәп ашханаһына йөрөргә кәңәш итәбеҙ, ә бар ата-әсәләрҙе контролгә ҡушылырға һәм йылына бер тапҡыр булһа ла балалары ашаған мәктәп ашханаһына барырға саҡырабыҙ!